БИШКЕК, 14-фев. — Sputnik. Кыргызстанда 16-февраль күнү "Ала-Тоо кубогу — 2017" футбол мелдеши башталарын Футбол федерациясынын маалымат кызматынан билдиришти.
13 Бирдин айы 2017, 08:57
Мелдеш 20-февралга чейин уланат. Ага эки тайпага бөлүнгөн сегиз команда катышат. Бул таймашта жеңиш үчүн жети кыргыз командасынан тышкары, Казакстандын "Иртыш" клубунун оюнчулары дагы ат салышат.
Учурда аталган кубок Бишкектин "Дордой" командасында. Ал былтыр пенальти менен"Алга" командасын жеңип алган.
"А" тайпасында "Абдыш-Ата", "Дордой-2", "Живое" жана"Иртыш" (Казакстан) болсо, "Б" тайпасында "Кара-Балта", "Нефтчи", "Алга-2" жана "Наше" командалары катталган. Финалдык оюн 20-февраль күнү саат 16.00дө башталат.
