БИШКЕК, 13-фев. — Sputnik. АКШнын Цинциннати шаарындагы Балдар медициналык борборунун изилдөөчүлөрү антибиотиктер жаңы төрөлгөн ымыркайларды өпкө оорусуна чалдыктырарын айтышты. Бул тууралуу РИА Новости ScienceTranslation Medicine журналына таянып жазып чыкты.
Окумуштуулардын айтымында, антибиотиктер ымыркайдын дем алуу органындагы бактериялардан коргоочу катмарды тез эле өлтүрүп салат. Буга ылайык бала өпкө оорусуна чалдыгып калышы толук ыктымал.
Ымыркайга көп өлчөмдө антибиотик берүү менен баланы өлтүрүп алуу коркунучу бар экенин окумуштуулар баса белгилешкен.
