Израилде жашаган Гүлназ Кангелдиева: Кыргызстанга виза ачтыруу абдан татаал
Анын айтымында, жарманкеге катышкандардын көпчүлүгү Кыргызстанга виза ачуу маселеси боюнча суроолорду беришкен.
"Бул жакта Кыргызстанга кызыккан туристтер абдан көп болууда. Бирок, кептин баары барып эле виза маселесине такалат. Кыргызстанга виза ачуу оңой сезилгени менен иш жүзүндө таталыраак. Ушул маселени карап берүү өтүнүчү менен өлкө бийлигине кайрылат элем", — деди Кангелдиева.
IMTM 2017 — 23 жылдан бери Израилде өтүп келе жаткан кесипкөй туристтик жарманке. Ал Жер ортолук деңиз өлкөлөрүнүн арасында да эң ири туристтик иш-чара болуп эсептелет. Жарманкеде 80 өлкөдөн келген туристтик компаниялар өз кызматтарын сунуштап, тажрыйба алмашышат.
