БИШКЕК, 10-фев. — Sputnik. Өлкөнүн аскер кызматкерлерине Ата мекенди коргоо күнүнө карата (23-февраль) концерттик программа даярдалып жатат. Бул тууралуу Генералдык штабдын маалымат кызматынан кабарлашты.
7-февралда башталган майрамдык иш-чара 21-февралга чейин созулат.
Өлкөнүн түндүк аймагындагы көчмө концертти Борбордук аскер үйү, ал эми өлкөнүн түштүк региондору боюнча офицерлердин Ош гарнизондук үйү уюштурган.
Программада кыргыз композиторлорунун аскер темасындагы ырлары, мекенди коргоо темасындагы патриоттук чыгармалар жана белгилүү эстрада ырчыларынын өнөр тартуулоосу камтылган.
