БИШКЕК, 8-фев. — Sputnik. Ошто 39 медицина кызматкерин Түркиядан адистер келип окутканын Саламаттык сактоо министрлиги билдирди.
Маалыматка ылайык, иш-чара 6-8-февраль күндөрү өттү. Ага облус менен шаардын дарыгерлери жана медициналык окуу жайдын мугалимдери катышып, алар ымыркайлардын өлүмүн азайтуу багытында билимин жогорулатышкан.
Түркия менен Кыргызстандын ортосундагы кызматташуусунун алкагында өткөрүлгөн окутууга неонатолог, педиатр болуп жалпы жонунан 19 адис келген.
Кошумчалай кетсек, буга чейин Бишкекте, Ысык-Көл, Нарын, Талас жана Чүй облусунун 175 кызматкери дагы атайын окуудан өткөн.
Жазында Жалал-Абад жана Баткен облусунун дарыгерлерин атайын окуудан өткөрүү пландалууда.
