БИШКЕК, 8-фев. — Sputnik. Интеллектуалдык менчик жана инновациялар мамлекеттик кызматы "Мыкты инновациялык долбоор — 2017" сынагын жарыялады. Бул тууралуу аталган мекеме билдирди.
Маалыматка ылайык, сынакка өтүнмөлөрдү кабыл алуу иши ушул жылдын 15-майына чейин уланат. Катышуучулар өнөр жай, айыл чарба, медицина, курулуш жана маалыматтык технологиялар боюнча өз эмгектерин жөнөтө алышат.
Аталган иш-аракеттер ойлоп табуучулардын эмгектерин ишке ашырып, аларды колдоо максаттында уюштурулууда.
Жыйынтыгында жеңүүчүлөр аныкталып, долбоорлорду ишке ашырууга гранттар берилет.
