Социалдык тармактын колдонуучулары программа үй-бүлөлүк зомбулукту жайылтып жатканын айтып, сын пикирлерди жазып чыгышты. Алар программадагы "кайнене" келиндерге кулдай мамиле жасаганын белгилешкен.
Ал эми Коомдук биринчи каналдын жетекчиси Илим Карыпбеков жарандарды программаны толук көрүп анан пикир калтырууга үндөдү.
"Көпчүлүк программаны толук көрбөй туруп эле талкуу жаратып жатышат. Мен жарандарды сабырдуулукка чакырып, долбоорду толук көргөндөн кийин пикир калтырууну суранат элем. Эгер программага көп адам каршы чыга турган болсо эфирден алып коюуга даярбыз. Бирок ошентсе да, бул кыргыздын салт-санаасын көрсөткөн программа деп ойлойбуз", — деди Карыпбеков.
Ал ошондой эле "Келин" программасында коомчулукка терс таасир тийгизе тургандай көрүнүштөр жок деген позицияда экенин кошумчалады.
