БИШКЕК, 7-фев. — Sputnik. Социалдык тармактарда #берегижизнь жана #любитьжизнь деген хэштегдер менен бөлүшүү боюнча флешмоб башталды.
"Антикиттин" автору Бишкек мэриянын маалымат катчысы Гуля Алмамбетова болуп эсептелет. Ал жаңы оюн киргизип жатканын жазып чыкты.
"Ар бир катышуучу #берегижизнь жана #любитьжизнь деген хэштегдер менен бөлүшүүсү керек. Максаты — жашоону сүйүүгө чакырык жасоо. Оюн өмүр бою уланат", — деди Алмамбетова.
Буга чейин кыргызстандык өспүрүмдөр "морекитов", "тихийдом", "явигре" жана "разбудименяв420" хэштегдери менен бөлүшө баштаганы маалым болгон. Ал эми Россиянын укук коргоо органдары бул оюндар балдардын суицид жасашына тиешеси бар экенин айтышкан.
