БИШКЕК, 5-фев. — Sputnik. Ишемби күнү Бишкек — Ош унаа жолунда 38 миң куб метр кар атып түшүрүлгөнүн Өзгөчө кырдаалдар министрлиги билдирди.
Маалыматка ылайык, 8-февралга чейин Төө-Ашуу, Өтмөк ашууларында жана Жалал-Абаддын Токтогул районундагы жолдо кар атып түшүрүү иштери уланмакчы.
Кечээ башталган иш-чаралардан улам 38 миң куб метр кар түшүрүлүп, мындай аракеттер бүгүн да жасалат.
Мындан тышкары, Казарман — Актал-Чат, Арал — Миң-Куш, Мырзаке — Кара-Кулжа — Алайкуу, Ала-Бука — Каныш-Кыя жана Красная Горка — Ак-Таш унаа жолдорунда кар көчкүлөрдү атып түшүрүү боюнча премьер-министрдин буйругу чыккан.
