БИШКЕК, 2-фев. — Sputnik. АКШнын биринчи айымы Меланья Трамп өзүнүн аппарат башчысы кылып Линдси Рейнолдсту дайындады. Бул тууралуу РИА Новости кабарлады.
Маалым болгондой, Рейнолдс мурунку президент Жорж Буштун убагында Ак үйдө иштеген. Эми ал "биринчи айымдын офисиндеги күнүмдүк жумушту жана күн тартибин башкаруу" милдетин аркаламакчы.
Рейнолдс саясий компанияларда иштеген, ар түрдүү иш чараларды уюштуруу жагынан 14 жылдык тажрыйбасы бар экендиги да белгилүү болду.
Меланья Трамп өз кезегинде аны менен иштешкендин өзү сыймык экендигин айтып, алдыда өлкөнү өнүктүрүүгө салым кошуу максатында күчтүү, иш билги адамдардан турган команда түзүүнү пландап жатканын кошумчалады.
