БИШКЕК, 01-фев. — Sputnik. Ош — Бишкек унаа жолунун 144-чакырымында Honda Stepwgn үлгүсүндөгү машина оодарылып калганын ӨКМ билдирди.
Маалыматка ылайык, кырсык 31-январь күнү Жайыл районунун аймагында болгон. Унаанын ичиндеги төрт адамдын экөөнү жолдо бараткан машиналар алып кеткен.
Ал эми окуя болгон жерге барган үч куткаруучу айдоочу менен дагы бир жүргүнчүгө медициналык жардам көрсөтүп, машинаны эвакуаторго жүктөп беришкен.
