БИШКЕК, 1-фев. — Sputnik. Эртең өлкө аймаганда күн ачык болот. Бул тууралуу Кыргызгидромет билдирди.
Маалыматка ылайык, тоолуу райондордо мезгил-мезгили менен кар жаап, айрым жерлерде катуу жаашы мүмкүн. Ош, Жалал-Абад облустарында зымдарга жана бактарга суу кар жармашат. Жолдор тайгак, тоңголок болуп, тоолуу аймактарда кар күрткүсү болот. Батыштан соккон шамалдын ылдамдыгы кээ бир райондордо секундасына 15-20 метрге жетиши мүмкүн.
"Бишкек жана Ош шаарларында 3…5 градус жылуу болот", — деп жазылат маалыматта.
Чүй өрөөнүнүн түндүгүндө жана Таласта —8…-13 градус, күндүз 4 градуска чейин жылуу болот. Ош, Жалал-Абад, Баткен облустарынын дыйканчылык аймактарында түнкүсүн —3…-8 градус суук, күндүз —1 градус сууктан…+4 градуска чейин жылыйт. Тоо этектеринде жана Ысык-Көл ойдуңунда түнкүсүн —9…-14 градус суук, күндүз 0…5 градус жылуу, Нарын облусунунда түнкүсүн —19…-24 градус, күндүз —6…-11 градус суук болушу күтүлөт.
Мындай туруксуз аба ырайы автоунаа, энергетика жана коммуналдык кызматтардын ишин жана кыштоолордо малды кармоону кыйындатат.
