БИШКЕК, 31-янв. — Sputnik. "Манас" аэропортуна жакын жердеги Дача айылына кулаган учактан жаракат алып, ооруканага жаткырылгандардын ону дагы деле дарыланып жатканын Саламаттык сактоо министрлиги билдирди.
30 Үчтүн айы 2017, 20:34
Белгилей кетсек, 16-январда эртең менен Дача айылына жүк ташуучу Boeing-747 учагы кулап, 39 кишинин өмүрүн алып, 16 киши жаракат алган. Кырсыктын чоо-жайын Мамлекеттер аралык авиациялык комитети изилдеп жатат.
Саламаттык сактоо министрлигинин билдиришинче республикалык психикалык ден соолук борборунда эки киши, кыргыз курортология илимий институтунда төрт киши, ортопедия жана травматология илим изилдөө борборунда үч киши дарыланууда. Дагы бир киши Улуттук госпиталда жатат.
Бейтаптардын абалы жакшы, аларга бардык медициналык жардам көрсөтүлүп жатат.
