БИШКЕК, 30-янв. — Sputnik. Кыргызстандын мектептеринде коопсуздукту сактоо максатында окуучулар уруксат кагазы менен киргизилмей болууда. Бул тууралуу Билим берүү жана илим министрлигинин маалымат кызматы билдирди.
Маалыматка ылайык, жалпы билим берүү мекемелери уруксат берүүчү системаны киргизүүгө укуктуу. Эгер мектептин коопсуздук кызматын кармоого каражаты жок болсо, нөөмөттө турган мугалимдерди дайындап алар мектептин кире беришине көзөмөл салышы абзел.
Андан сырткары мугалимдер мектепке формасы жок же кечигип келген окуучуну сабакка киргизбей коё албайт.
