Улуттук коопсуздук комитетинин маалымат катчысы Рахат Сулаймановдун айтымында, шектүү катары эки чет элдик жаран Чүй өрөөнүнөн кармалган.
"Тергөө иш-чараларынын негизинде жасалма доллар жогорку технологияда даярдалып, Түркиядан алып келингени белгилүү болду. Ыкчам маалыматтар боюнча акчанын жасалышына жана үчүнчү мамлекеттерге жиберилишине учурда Стамбулда жашап жүргөн кыргыз жарандары Ильяс Сабиров менен Мансур Сувановдун катыштыгы болушу мүмкүн", — деп билдирди Сулайманов.
Буга чейин Ильяс Сабиров Бишкектеги Кытай элчилигинин имаратына кол салууга катыштыгы бар деп айыпталып, Интерпол тарабынан эл аралык издөөгө алынган. Аталган факт боюнча УКМК Кылмыш жаза кодексинин 198-беренесинин 2-бөлүмү боюнча (акча жасоо, сактоо) кылмыш ишин козгоду. Учурда тергөө иштери улантылып жатат.
