БИШКЕК, 25-янв. — Sputnik. National Geographic журналынын британиялык версиясы Travel Photography сынагынын финалисттерин атады. Алардын катарына режиссер Тимур Тугалев менен италиялык блогер Сара Иззинин эмгеги кирди.
20 Үчтүн айы 2017, 12:57
"Lost in Kyrgyzstan" (Кыргызстанда адашкан) аттуу ролик 4К-форматында тартылып, өткөн жылдын октябрь айында чыккан. Эки мүнөттүк видео 2016-жылдын жай айларында Ысык-Көл менен Соң-Көлдүн жээгинде жана Орто-Токой суу сактагычынын аймагында тартылган. Ролик кийинчерээк "National Geographic Россия" журналынын сайтына жайгаштырылган.
"Видео" категориясындагы сынактын финалисттеринин катарында Мэтт Джарвистин жаныбарлар дүйнөсү тууралуу тарткан кыска метраждуу тасмасы менен Сэм Хипвеллдин түштүк-чыгыш Азиядагы калктардын бири тууралуу кыска метраждуу тасмасы чыккан.
Тугалев Sputnik Кыргызстан агенттигинин кабарчысына сынактын жеңүүчүлөрү 28-февралда Лондондо финалисттер үчүн уюштурулган атайын көргөзмөдө белгилүү болорун билдирди.
