БИШКЕК, 24-янв. — Sputnik. Борбор калаадагы Төрөбай Кулатов атындагы көчө бир тараптуу болорун Бишкек мэриясынын маалымат кызматы билдирди.
Мындай чечим шаардагы жол-транспорт маселелерин караган туруктуу комиссиянын жыйынында кабыл алынган. Бир тараптуу жол кыймылы Ибраимов көчөсүнөн батышты карай Элебаевге чейин 20-февралдан тарта киргизилет.
"Шаардын тийиштүү кызматтарына жол белгилери менен светофорлорду тууралоо тапшырмасы берилди", — деп мэрия маалымдады.
Киргизилген мындай өзгөртүүгө шаар тургундарын түшүнүү менен кабыл алууга чакырат. Ошондой эле жол эрежесин сактап, этият болууну эскертет.
