БИШКЕК, 23-янв. — Sputnik. Авиакырсыктан жабыр тарткандарга канча каражат чогулганын Sputnik Кыргызстан агенттигинин кабарчысы сураштырып көрдү.
2017-жылдын 16-январында эртең менен саат 7.31де Boeing 747 учагы “Манас” аэропортуна жакын жердеги Дача айылына кулаган. Кырсык 39 кишинин өмүрүн алып, 23 үйдү жараксыз абалга келтирген.
Учурда кырсык боюнча иликтөө иштерин КМШнын Мамлекеттер аралык авиация комитети жүргүзүп жатат.
Учактын кыйрашынан жабыр таркан адамдарга жардам кылуу максатында атайын эсептер ачылган. Дүйшөмбүдө саат 15.00гө карата маалыматт, ар кайсы эсептерге 25 миллион сомго чукул акча чогулганы маалым болду.
- КР ӨКМ— 20 миллион 138 миң 400 сом
- Биринчи Балдар Хосписи — бир миллион 98 миң
- "Дизель" форумдун колдонуучулары — 3,5 миллион сом
- Gofundme.com платформасынын колдонуучулары — 5 миң 216 доллар
- Кызыл жарым ай улуттук коому — 507 миң 771 сом
- Demir Bank — 309 миң сом
- "Элим барсыңбы" кайрымдуулук фонду — 1 миллион 781 миң сом
Көптөгөн мамлекеттик кызматтарда иштеген жарандар бир күндүк маяналарын кырсыктан жабыркагандарга которууну чечишкен. Кайдыгер карабаган жарандардын арасында — Бишкек мэриясы, Мусулмандар дин башкармалыгы, ИИМ, УКМК, БШК, "Кыргызпатент", Миграция кызматы, Бажы кызматын жана Чек ара кызматы бар.
