Окумуштуулар аялдар эмнеге ушакка жакын болорун аныкташты

БИШКЕК, 21-янв. — Sputnik. Ушак айтуу менен сыр бөлүшүү аялдардын канындагы окситоцин — адамды бакытка бөлөгөн гормондун деңгээлин көбөйтөт. Бул тууралуу РИА Новости Psychoneuroendocrinology журналына шилтеме берүү менен жазып чыкты. 

Мындай көрүнүштү алгач Италиядагы Павии университетинин окумуштуусу Наташа Брондино байкап калган. 

"Мен психиатр болуп эмгектенип келем. Кесиптештер ушакташып алгандан кийин өзүбүздү жеңил сезип, бири бирибизге жакындай түшкөнүбүздү байкадым. Мындан улам адамдарды чындыгында эле эмне жакындатат болду экен деген суроо тынчымды ала баштады", — деди Брондино. 

Бул гипотезаны иликтөө үчүн Брондино менен анын кесиптештери Павии университетинен ыктыярчыларды топтоп, аларды эки топко бөлүшкөн. Атайын даярдалган актриса кыз аларга сиңдисинин боюна бүтүп калганын, алган жаракаты спорт менен машыгууга тоскоолдук болгонун эмоцияга берилип айтып берген. Тажрыйбадан кийин ар бир катышуучунун шилекейи алынган. 

Брондино алгач аялдардын ушакка жакын болуусуна эки гормон таасир этерин болжолдоп жүргөнүн айтты. Алардын бири окситоцион — бакытка бөлөгөн гормон болсо, экинчиси кортизолом — стресстин гормону эле. Окумуштуулар ушак айтуу маалында окситоцион көбөйүп, кортизолом азаят деп ойлоп келишкен. 

Ыктыярчы кыздардын шилекейине анализ жүргүзүлгөндөн кийин бакыт гормону — окситоцион чын эле көбөйгөнү байкалган. Бирок стресс гормону кортизоломдун азайганы байкалган эмес. 

Бул иликтөөдөн кийин окумуштуулар аялдардын ушакчы болушуна башка фактор эмес, так ушул гормон себепкер экенин белгилешти.