БИШКЕК, 15-дек. — Sputnik. Улгайган убакта ырахат алып жашоо өмүрдү узартат. Бул тууралуу BMJ журналына шилтеме кылып РИА Новости билдирди.
"Биз мунун себебин так айта албайбыз. Бирок чыккан жыйынтыктар адам канчалык өзүн жакшы сезсе, ошончолук өмүрү узун болору далилденди. Ошого ылайык, жогору же төмөн деңгээлдеги бакыт жашоонун узактыгына кыйла таасир этери ачыкка чыкты", — деп түшүндүрөт Лондон университетинин колледжинен Эндрю Стэпто.
2002-жылы эксперименттин башталышында катышуучулардын эң кичүүсү 50 жашта болчу. Дарыгерлер 14 жыл бою алардын жашоосун, кайсы убакта жакшы же жаман сезгендерин көзөмөлдөп турушкан.
Бул убакыттын ичинде эксперименттин катышуучуларынын ичинен 1,3 миң адам каза болгон.
Экспериментте өзүнүн жашоосуна ыраазы болгондордун ичинен азыраагы каза болгон. Ал эми жашоосунда өзүн бактысызмын деп эсептеген катышуучулардын көбү көз жумган.
