БИШКЕК, 21-янв. — Sputnik. Түркиянын башкаруунун президенттик формасына өтүүсү боюнча Баш мыйзамга киргизиле турган өзгөртүүлөрү парламентте талкууланып жатканда депутат аялдар мушташа кеткенин Hurrieyt гезити жазып чыкты.
Nazlıaka, Bahçeli ile konuşmak istiyor. Bahçeli salonda ancak Bahçeli yanıt vermiyor. pic.twitter.com/Ij0DrTREYM
— Gonca Senay (@GoncaSenayy) 19 января 2017 г.
Чатак конституциялык өзгөртүүлөрдү киргизүүнү колдогондор жана ага каршы чыккандардын арасында чыккан. Буга көз карандысыз депутат Айлин Назлыяк каршылык иретинде өзүн трибунага кол кишен менен бекитип коюшу себеп болгон. Акыйкат жана өнүгүү партиясынын депутаттары күч колдонуу менен аны трибунадан түшүрүүгө аракет жасашкан. Бул учурда оппозициялык маанайдагы депутаттар Назлыяктын таламын талашып чыккан.
Натыйжада үч депутат айым ар кандай жаракат алышкан. Эки аялды замбилге салып ооруканага жеткиришкен. Ал эми үчүнчүсү колун оорутуп алганы айтылууда.
AKP MV. Gökcen Enç tarafından Kadın Meclis Bakan vekili ve Şafak Payev'e saldırı. Protez kolu çıkan Payev Hastaneye kaldırıldı pic.twitter.com/uh3ujrsERR
— Ali Şeker (@draliseker) 19 января 2017 г.
Интернетке кызуу талкууга алынган видео жайгаштырылды.
Буга карабастан парламент көпчүлүк добуш менен Конституцияга өзгөртүү киргизүү каралган мыйзамды кабыл алды.
