ӨКМ: кыйраган учак алдында эч ким калган жок

Жазылуу
Учак кырсыкка учураган жерде 300 куткаруучу иштеп жатат.

БИШКЕК, 18-янв. — Sputnik. Бишкектин Дача айылына кулаган Boeing-747 учагынынын алдында жабыркагандар жана каза болгондордун сөөктөрү калган жок. Бул жөнүндө журналисттерге өзгөчө кырдаалдар министринин орун басары Калыс Ахматов билдирди.

Кулаган учактын жерге сүрүлгөн изи — асмандан көрүнүш - Sputnik Кыргызстан
Кулаган учактын жерге сүрүлгөн изи — асмандан көрүнүшү
Эске салсак, дүйшөмбү күнү таң эрте Гонконг — Стамбул каттамы менен учкан MyCargo Airlines авиакомпаниясына таандык Boeing-747-400F учагы "Манас" аэропортуна жакын жердеги Дача айылына кулап түшкөн.  Акыркы маалыматтар боюнча анын кесепетинен 38 киши каза болуп, 23 үй бузулган.

Ахматовдун айтымында, адистер кулап түшкөн учактын ири тетиктери атайын техника менен көтөрүп, алдыларын текшерип чыгышкан.

"Ири тетиктердин алдында кырсыктан каза болгон адамдардын сөөгү калбаганына ынандык" — деди министрдин орун басары.

ӨКМ азыркы тапта окуя болгон жерде 300 куткаруучу иштеп жатканын белгилеп, бардык адистер ысык тамак менен камсыздалып, аталган жерге жылынуу үчүн жайлар орнотулганын кошумчалады.

Мындан тышкары, 112 телефон номери боюнча тынымсыз байланыш уюштурулган.

Кыйраган учактан Кыргызстан кандай сабак алышы керектиги тууралуу Sputnik Кыргызстан агенттигинин материалынан окуңуздар>>

Жаңылыктар түрмөгү
0