БИШКЕК, 17-янв. — Sputnik. Бразилиялык футболчу Роналдиньо футболго кайтуу ниетин билдиргенин Goal.com маалымат сайты оюнчунун агенти менен байкеси Роберто де Ассиске шилтеме берүү менен билдирди.
"Роналдиньо 2017-жылы карьерасын узартууну пландап жатат. Бир жылдык тыныгуудан кийин биз кайтадан футболго кайтууну чечтик", — деп футболчунун агенти билдирген.
Анын айтымында Роналдиньо Либертадорес кубогунда ойной турчу клуб менен келишим түзүүгө ниеттенип жатат.
Бразилиянын курама командасы менен дүйнө чемпиону (2002-жыл) болгон. Андан сырткары 1999-жылы Америка кубогунда жеңишке жеткен. Улуттук команданын курамында ал 96 беттеш өткөрүп, 33 гол киргизген.
Буга чейин Роналдиньо "Шапекоэнсе" клубунда ойноого ынтызарлыгын билдирди. Аталган футбол клубунун негизги оюнчулары ноябрь айында Колумбияда авиакырсыктан каза болгон.
