БИШКЕК, 17-янв. — Sputnik. Бишкектин Дача айылына кулаган Boeing-747 учагынын айынан Жаза аткаруу кызматынын подполковниги Рахат Сыдыковдун баласы, келини жана эки небереси жан бергендигин аталган ведомствонун маалымат кызматынан кабарлашты.
Маалыматта Сыдыковдун уул-келини балдары менен Дача айылында жашап келген. Учак басып калган үйлөрдүн катарында алардын да турак жайы болгон.
Рахат Сыдыков Бишкектеги №1 тергөө абагында өткөрүү жана текшерүү бөлүмүнүн начальниги болуп эмгектенет.
Эскерте кетсек, 16-январь күнү таң эрте Гонконгдон Стамбулду көздөй келе жатып, Бишкектен май куюу үчүн "Манас" аэропортуна токтомок болгон Boeing-747 учагы Дача айылынын үстүнө кулаган. Кырсыктан акыркы маалыматтар боюнча 37 кишинин көз жумганы белгилүү болду.
Каргашалуу кырсыктын чоо-жайын Sputnik Кыргызстан агенттиги даярдаган материалдан окусаңыз болот>>
