БИШКЕК, 17-янв. — Sputnik. "Манас" аэропортунун жанындагы кырсыктан жабыркагандарга психологиялык жардам көрсөтүлүүдө. Бул тууралуу "Балдардын укугун коргоо лигасы" коомдук фонду билдирди.
Ага ылайык, жабыркагандарга атайын даярдыктан өткөн психологдор жардам көрсөтүүдө. Эгерде психологдордун жардамы керек болсо 0772398474, 0312 662587 телефондору аркылуу кайрылса болот.
Эске салсак, кечээ күнү Гонконг — Стамбул каттамы менен учкан MyCargo Airlines авиакомпаниясына таандык Boeing-747-400F учагы "Манас" аэропортуна жакын жердеги Дача айылына кулап түшкөн. Анын кесепетинен отуздан ашык киши каза болуп, 23 үй бузулган.
Белгилей кетсек, өкмөт каза болгондордун үй-бүлөлөрүнө 100 миң сомдон жардам көрсөтүлөөрүн билдирген.
