БИШКЕК, 17-янв. — Sputnik. Футбол боюнча Кыргызстандын жаштар курамасынын жарым коргоочусу (U-22) Бектур Талгат уулу Индиянын "Черчилль Бразерс" (ChurchillBrothers) клубуна өтүп жатканын өзүнүн Facebook баракчасына жарыялады.
Бул кабарды Футбол боюнча федерациясынын маалымат кызматы да ырастады.
Бектур Индиянын "Черчилль Бразерс" футбол клубу менен жыңы жылга чейин эле келишим түзгөн.
22 жаштагы оюнчу "Абдыш-Ата" футбол клубунда тарбияланып чыккан. 2016-жылдын июль айынан ушул күнгө чейин жергиликтүү "Алга" клубунда ойногон. Буга чейин (2014-жыл апрель, — 2015-жыл январь) казакстандык "Астана-1964" клубунун биринчи лигасында ойногон.
Hero I-League индиялык футбол лигасында"Черчилль Бразерс" менен "Ист Бенгал" командалары беттешет. Ал командада Кыргызстандын башкы курамасынын чабуулчусу Ильдар Амиров ойнойт.
