БИШКЕК, 16-янв. — Sputnik. Мен тааныган эки үй-бүлө каза болду. Бул тууралуу Наргиза Орозалиева Sputnik Кыргызстан агенттигинин кабарчысына айтып берди.
"Бүгүн эртең менен эрте жумушка аэропортко келгем. Биз учактын кандай кулагынын көрдүк. Бирок аны үйлөрдүн үстүнө кулары оюбузга да келген жок", — деди ал.
"Мен эки таанышым жашаган үйдү көрдүм. Бир үйдө бардык үй-бүлө мүчөлөрү — 58 жаштагы Анарбек Солтунбеков анын аялы, 25 жаштагы уулу Айбек жана жети жаштагы кызы Мария каза болушту. Кичинекей кыздын денесин милиция менен өрт өчүрүү кызматкерлери болуп чогуу алып чыктык", — деди Орозалиева.
Дүйшөмбү күнү "Манас" аэропортунун жанындагы Дача-Суу айылына жүк ташуучу Boeing 747 учагы кулаган. Ал Гонконг — Стамбул аба каттамы менен учуп бара жатып Бишкек шаарына май куюп алуу үчүн конгон. Акыркы маалыматтарга ылайык, кырсыктан 31 адам көз жумган.
Учактын кыйрашына байланыштуу бардык маалыматтардын топтомун бул жактан окуңуздар>>
