БИШКЕК, 16-янв. — Sputnik. Жабырлангандар менен каза болгондордун жакындарына компенсация сөзсүз төлөнөт. Бул туурасында биринчи вице-премьер Мухамметкалый Абулгазиев брифинг учурунда билдирди.
Брифинг бүгүн эртең менен учак кулап кырсык болгон жерде өттү.
"Эртең менен президент (Алмазбек Атамбаев — ред.) алгач ар бир бир бүлөгө 100 миң сомдон төлөө боюнча айтты", — деди Абулгазиев.
Бүгүн эртең мененки саат 7:18де Дача айылында жүк ташыган Boeing 747 лайнери кулап, 32 киши каза тапты. Аба кемеси Гонконгдон Стамбулга багыт алып, Кыргызстанга май куюу үчүн токтомок. Учурда крысыктын себеби илектенип жатат.
