БИШКЕК, 16-янв. — Sputnik. Бишкектин жанындагы кыйраган учактан улам Facebook социалдык тармагында "Коопсуздукту текшерүү" функциясы ишке кирди.
Аталган функцияга ылайык, каалаган жаран өзүнүн жакындарынын коопсуздугун билүү үчүн сурам жөнөтө алат. Ал эми экинчи тарап ага жооп берет.
Аталган функция кырсык болгон учурда гана ишке кирип, тез арада жакындар менен байланышууга шарт түзөт.
Бүгүн 07:21 де Дача-Суу айылына жүк ташуучу Boeing-747 учагы кулаган. Ал Гонконгдон Стамбулга учуп бара жатып күйүчү май куюп алуу үчүн Бишкекке конгон. Учурда каза болгондордун аты-жөнү такталып жатат.
