БИШКЕК, 15-янв. — Sputnik. Саратов облусунун Тергөө комитети Петровский районунда жети адам каза болгон жол кырсыгы боюнча ишти териштирип баштады. Бул тууралуу комитеттин маалымат кызматы билдирди.
Жол кырсыгы Петровский районунун Нижний Новгород-Саратов автотрассасында Тарумовка айылынын тушунда катталган. Анда тоок этин жүктөп Пензадан Саратовго бара жаткан фура карама-каршы келе жаткан Toyota үлгүсүндөгү унаа менен кагышып, жыйынтыгында эки унаа тең жолдон чыгып кеткен.
Кырсыктын кесепетинен Toyota үлгүсүндөгү унаанын айдоочусу жана алты жүргүнчүсү дароо көз жумган. КР ӨКМдин алдын ала маалыматы боюнча каза болгон адамдардын бешөө кыргыз жарандары болушу ыктымал.
Учурда каза болгондордун аты-жөнү жана кырсыктын келип чыгуу себептери такталууда.
