БИШКЕК, 14-янв. — Sputnik. Жыл башталгандан бери 12 күндүн ичинде Европага деңиз аркылуу миңден ашуун мигрант менен качкындар келген. Бул туурасында Эл аралык миграция уюмунун маалымат катчысы Джоэл Миллман айтканын РИА Новостиге билдирди.
Аталган уюмдун 2017-жылдын 12-январындагы маалыматында жыл башынан бери Европага деңиз аркылуу өтүп келген мигрант менен качкындардын саны 1159га жеткен. Алардын көпчүлүк бөлүгү Греция менен Италияга бет алганы айтылат.
Ошондой эле Түркиядан Грецияга келген мигранттардын саны 430га жеткен. Маалыматта былтыркы жылы ушул убакта 22 миң 322 мигрант менен качкындар келгени айтылат.
Европа Экинчи дүйнөлүк согуштан бери миграциялык кризис менен алышып келет. Ал эми азыркы учурда Жакынкы Чыгыш жана Түндүк Африка өлкөлөрүндөгү экономикалык көйгөйлөр жана согуштардан улам Европага бет алган качкындар менен мигранттардын саны өсүүдө.
