БИШКЕК, 11-янв. — Sputnik. Академик Абдылдажан Акматалиевдин "Манас" эпосу, Чыңгыз Айтматовдун чыгармачылыгы жана фольклор тууралуу жаңы китеби жарык көргөнүн Улуттук илимдер академиясынан билдиришти.
"Автор "Манас" эпосу – Чыңгыз Айтматовдун руханий космоско учуп чыгышынын көркөм старттык аянтчасы болгон" деген пикирин дагы тереңдетип, "Кассандра тамгасы" романы менен эпостун үндөштүгүнө, ааламдык маселелердин коюлушуна жана көркөм чечилишине токтолот", — деп айтылат билдирүүдө.
Ошондой эле автор өз эмгегинде Айтматовдун эпикалык ой жүгүртүү масштабында манасчылык өнөрдүн купуя сыры катылып жатканын ачып бергени кошумчаланат.
Маалыматка караганда, китепте тил, маданият маселелерине арналган маектер да орун алган.
