БИШКЕК, 7-янв. — Sputnik. Сузакта жер көчкү коркунучу жаралган аймактардан жарандарды көчүрүү иши жүрүүдө. Бул тууралуу ӨКМ билдирди.
Маалыматка караганда, Жалгыз-Жаңгак айылынын түштүк тарабындагы жантаймада 50 метрдей жер көчкү жылып, 16 турак-жайга коркунуч жаралган.
"Жер көчкүнүн болжолдуу көлөмү 40 миллион куб метрди түзөт. Жер көчкү бир турак-жайга 15 метр жана 15 турак үйгө 350 метр жетпей калган. Учурда эки үй-бүлө коопсуз жерге көчүрүлдү", — деп жазылат маалыматта.
Мындан сырткары 14 үй-бүлөнү коопсуз жайга көчүрүү боюнча түшүндүрүү иштери жүргүзүлүүдө.
