БИШКЕК, 7-янв. — Sputnik. Бүгүн Бишкекте көчө баскетболу боюнча Winter Cup — 2017 турнири башталды. Бул тууралуу Кыргызстандын баскетбол боюнча федерациясынан кабарлашты.
Маалыматка караганда, турнир Кыргызстандагы көчө баскетболу боюнча сезонду ачат. Бардык командалар жаш курагы менен жынысына карап төрт категорияга бөлүнгөн:
- 18 жашка чейинки балдар — 16 команда. Оюн 7-январда өтөт
- 18 жашка чейинки кыздар — 8 команда. Оюн 7-январда өтөт
- 18 жаштан өйдө балдар — 16 команда. Оюн 8-январда өтөт
- 18 жаштан өйдө кыздар — 8 команда. Оюн 8-январда өтөт.
Турнирдин алкагында баскетбол боюнча улуттук курама тобун түзүү үчүн 18 жашка чейинки балдар жана 18 жаштан өйдө кыздар арасынан мыктылар тандалып алынат.
