БИШКЕК, 6-янв. — Sputnik. Бишкек тургуну "Тазалык" ишканасынын жумушчуларынан өзүнүн заңын тазалап кетүүнү талап кылганын Бишкек мэриясынын маалымат кызматы билдирди.
Ага ылайык, 4-январь күнү Манас проспектиси менен Киев көчөлөрүнүн кесилишиндеги акча алмаштыруу жайларынын биринин кызматкери даарат ушатуу үчүн желим баштыкты пайдаланып, "Тазалык" ишканасынын жумушчуларынан аны тазалоону талап кылган.
Бул учурда жумушчулар таштанды челектерин бошотуп жүрүшкөн.
Окуя болгон жерге тез арада санитардык-экологиялык инспекциянын адистери барып, тартип бузган жарандын ким экенин аныкташты. Натыйжада анын буга чейин дагы таштанды челектерди даараткана катары пайдаланып жүргөнү маалым болду.
"Бейбаштык кылган адам ошол тегеректеги эле акча алмаштыруу жайларынын биринде иштейт экен, аны административдик жоопкерчиликке тартуу боюнча протокол түзүлдү. Өзү санитардык нормаларды бузгандыгы үчүн кечирим сурады", — деп айтылат мэриянын билдирүүсүндө.
Мэрия шаар тургундарын көчө шыпырып тазалаган кызматкерлердин эмгенин баалоого чакырды.
