БИШКЕК, 6-янв. — Sputnik. Учурда Талас шаарында дүкөн күйүп жатканын ӨКМдин маалымат кызматынан Sputnik Кыргызстан агенттигине кабарлады.
Билдирүүгө караганда шаардын Манас көчөсүндөгү дүкөн күйүп жаткандыгы тууралуу маалымат өрт өчүрүү кызматына таңкы 6:14тө келип түшүп, эки өрт өчүрүүчү унаа жиберилген.
"Күйгөн жердин аянты 300 чарчы метрди түздү. Бирок өрттүн мизи дагы деле кайта элек. Алдын ала маалыматтарга караганда каза болгондор жана жабыркагандар жок", — деп айтылат ӨКМдин билдирүүсүндө.
Кырсыкка эмне себеп болгону азырынча белгисиз.
