БИШКЕК, 6-янв. — Sputnik. Элүүгө чукул жарым жылаңач бийчи кыздар тайвандык 76 жаштагы саясатчы Тюнг Сандын тажыясында жолтандабастар менен коштоп барды. Бул туурасында жергиликтүү Taiwan News басылмасы билдирди.
Тюнг Сан декабрдын аягында ооруп каза тапкан. Өлөр алдында жакындарына аны акыркы жайына көпкө чейин унутулбай тургандай кылып узатуусун айткан. Анын бири — автоунаа менен жылаңачтанган кыздар коштоп барсын деген өтүнүч болгон.
Саясатчыны жерге берген күнү шаардын борбордук көчөлөрүнөн узун таяктар орнотулган 50 жолтандабастан турган аза кортежи өттү. Машинанын үстүндөгү жарым жылаңачтанган кыздар карап турган элдин алдында бийлеп турушту.
Мындан улам көчөдө болуп көрбөгөн мындай тажыяны телефондоруна тартып алуу үчүн чогулуп калган адамдардын көптүгүнөн кортеж шаардан бир топко чейин чыга албай туруп калган.
Басылма маркум муну менен тажыясына көп элдин келишин максат кылган деп жазды.
