БИШКЕК, 30-ноя. — Sputnik. Фидель Кастрону эскерүү зыйнатына 1 миллионго жакын адам келди. Ал Гавана шаарында өтүп, адамдардын узакка созулган кезекке туруусу менен коштолду. Бул тууралуу РИА Новости жазып чыкты.
26 Жетинин айы 2016, 17:58
Куба революциясынын лидери Фидель Кастрону эскерүү иш-чарасына Латын Америка менен дүйнөнүн дагы башка мамлекеттеринен келген саясатчылар катышкан. Ал эми россиялык делегацияны мамлекеттик Думанын төрагасы Вячеслав Володин жетектеп барган.
Аза күтүү иш-чарасында 18 адам сөз сүйлөп, Кубанын лидери Рауль Кастро жыйынтыктаган. Ал өз сөзүндө кубалыктар жеңиш үчүн күрөшүүнү токтотпой тургандыгын белгилеген.
Муркумду акыркы сапарга узатуу зыйнаты 4-декабрда болот.
Эске сала кетсек, кубалык революционер 90 жашында дүйнө салган.
