БИШКЕК, 5-янв. — Sputnik. Жума күнү Кыргызстандын аймагында күн ачык болорун Кыргызгидромет билдирди.
Түштүк-батыштан соккон шамалдын ылдамдыгы секундасына 4-9 метрге жетет.
"Бишкек жана Ош шаарларында күн 1 градустан 3 градуска чейин жылыйт", — деп жазылат маалыматта.
Чүй жана Талас өрөөндөрүндө күндүз 4 градус жылуу болот. Ош, Жалал-Абад жана Баткен облустарынын дыйканчылык аймактары 3 градустан 5 градуска чейин жылыйт. Ысык-Көл облусунда 2 градуска чейин жылуу болсо, ал эми тоолуу Нарында 12 градус суук болот.
