БИШКЕК, 29-дек. — Sputnik. Кытайдын Сычуань аймагындагы пандаларды коргоо жана изилдөө борборунда дүйнөдө эң көп жашады делген 31 жаштагы Паньпань аттуу панда өлдү. Бул туурасында РИА Новости Global Times гезитине шилтеме кылып берди.
Жергиликтүү басылманын маалыматына караганда, панданын ашказанында пайда болгон шишик анын ден соолугун кескин начарлатып, акырында өлүмгө алып келген. Ветеринарлар жаныбарда сактап калууга аракеттенгени менен эч нерсе жасай алышкан эмес.
Паньпань 1985-жылы Сычуандын Баосин деп аталган уездинде туулган. Анын тукумдарынын саны учурда 130га жеткен.
Узак жашаган пандалар боюнча маалыматтарды эске салсак, октябрда Цзяцзя деп аталган 38 жаштагы жаныбарды картайгандыктан улам жасалма жол менен жашоосун токтотууга туура келген.
Маалыматтарга караганда, Кытай 2015-жылга карата жапайы жаратылыштагы пандалардын саны 2200гө жеткирүүнү пландап жатат. Учурда ээн-эркин жашаган бул жаныбарлардын саны 1864 деп айтылган. Дагы 422си атайын борбордо багылып жатат.
