БИШКЕК, 28-дек. — Sputnik. Эртең түнкүсүн көпчүлүк аймактарда, күндүз кээ бир райондордо кар жаай турганын Кыргызгидромет билдирди.
Маалыматка ылайык, жолдор тоңголок, тайгак болуп, батыштан соккон шамалдын ылдамдыгы секундасына 4-9 метрден, Ысык-Көл акваториясында 15-20 метрге чейин жетет.
Күндүз Чүй, Талас өрөөнүндө —2…+3 градус болсо, Ош, Жалал-Абад жана Баткен облустарынын дыйканчылык аймактарында дагы ушундай эле температура сакталат.
Ысык-Көлдө —4…+1 градус жылуу болсо, Нарында —12…-17 градус суук болот.
