БИШКЕК, 26-дек. — Sputnik. "Азия МIX" командасы бүгүн кечинде Санкт-Петербург шаарында күйөрмандары менен жолугушуу өткөрөрүн команданын директору, капитан Элдияр Кененсаровдун жубайы Камила Абдил Sputnik Кыргызстан агенттигинин кабарчысына билдирди.
"Учурда Санкт-Петербург шаарында "Финал Высшей Лиги: Концерт на Бис!" концертинин алкагында гастролдоп жүрөбүз. Бүгүн кечинде Борбор азиялык күйөрмандарыбыз менен жолугушуу болот", — деди Абдил.
КВНдин финалынан кийин Элдияр Кененсаров команданын негизги курамы мындан ары теле жана интернет долбоорлор менен алектенерин билдирген.
