БИШКЕК, 23-дек – Sputnik. Кыргызстан менен Ирандын президенттери Алмазбек Атамбаев жана Хасан Роухани кеңири жыйында кыргыз-иран мамилелерин талкуулайт.
Эске салсак, Ирандын президенти Хасан Роухани 22-декабрда Кыргызстанга сапары менен келген. Аны "Манас" эл аралык аэропортунан өлкө башчысы Алмазбек Атамбаев тосуп алган.
Мамлекет башчылары тар чөйрөдөгө жолугушуудан кийин кеңири жыйында келишимдерге кол коет.
КР Тышкы иштер министрлигинин берген маалыматы боюнча Кыргызстан менен Ирандын ортосундагы дипломатиялык байланыштар 1992-жылы 10-майда түзүлгөн. 1993-жылы Бишкек шаарында Ирандын элчилиги ачылса, 1996-жылы март айында Тегеран шаарында Кыргызстандын элчилиги ачылган. Ал эми 2002-жылы Бишкекте эки мамлекеттин ортосундагы достук мамиле тууралуу декларациягы кол коюлган.
Акыркы жолу 2015-жылы сентябрда Алмазбек Атамбаев Иранга иш сапары менен барган.
