БИШКЕК, 17-дек. — Sputnik. Жалал-Абад облусунун аймагында күчү беш баллга жеткен жер титирөө катталганын ӨКМ Сейсмология институтуна шилтеме берүү менен билдирди.
Маалыматка ылайык, жер титирөө бүгүн саат 11:25те катталган. Анын очогу Жалал-Абад шаарынан түндүк-батышты карай 18 чакырым, Көк-Жаңгак шаарынан түндүк-батышты карай 25 чакырым жана Кочкор-Ата шаарынан түндүк-чыгышты карай 35 чакырым алыстыкта жайгашкан.
Жер титирөөнүн күчү Октябрь, Карача, Бешик-Жон айылында беш балл, Көк-Жаңгак, Жалал-Абад, Кочкор-Ата шаарларында төрт балл сезилген. Алдын ала маалымат боюнча жабыркагандар жана кыйроолор жок.
