БИШКЕК, 16-дек. — Sputnik. Россия өкмөтү Кыргызстанга 73 миллион рублге бааланган атайын жабдуу бергендигин РФтин бажы кызматынын өкүлчүлүгү билдирди.
Жабдуулар Кыргызстанга ЕАЭБге кошулуу процессинин алкагында техникалык кызматташуу иретинде берилди.
Ошто ушуну менен экинчи жолу 73 миллион рублге бааланган спектрофотометр, газ хроматограф сыяктуу өлчөп-ченөөчү жабдуулар тапшырылды.
Аппараттар КР өкмөтүнүн алдындагы фитосанитардык жана ветеринардык коопсуздук боюнча мамлекеттик инспекциясынын Бишкек жана Ош шаарларындагы аймактык борборлорунун ветеринардык лабораторияларына берилди.
Жабдуулар ветеринардык көзөмөлдөөгө алынчу товарларды иликтөөгө, адардын ЕАЭБдин техникалык регламентине жооп берерин аныктоого колдонулат.
