Филиппин президенти мэр кезинде кылмышка шектүүлөрдү өлтүргөнүн мойнуна алды

© AFP / WU HONG / POOLПрезидент Филиппин Родриго Дутерте
Президент Филиппин Родриго Дутерте - Sputnik Кыргызстан
Жазылуу
Дутерте мэр кезинде Даваодо мотоцикл менен шаардын көчөлөрүнүн атайын кыдырып, чыр-чатактарды сары изине түшүп келгенин айтып, агынан жарылды.

БИШКЕК, 14-дек. — Sputnik. Филиппиндин президенти Родриго Дутерте Давао шаарынын мэри болуп турганда кылмышка шектелген адамдарды өзү өлтүргөнүн айтып чыкты. Бул тууралуу Франсс Пресс агенттигине шилтеме кылып РИА Новости билдирди.

Май айында бийликке келген Дутерте баңгизатка каршы чечкиндүү күрөш баштаган.

Полициянын акыркы маалыматтарына ылайык, Дутерте президенттикке келгенден кийин өлкөдө баңги саткан, аны колдонгон үч миндей адам өлтүрүлдү.

"Бул нерсени Даваодо өзүм жасагам. Аны мен кыла алгандан кийин, полиция да жасай алат деген түшүнүктү киргизгим келген. Мен Даваодо мотоцикл менен көчөлөрдү көзөмөлдөп, кылмышкер адамды өлтүрүү үчүн чынында кандайдыр бир жаңжалды издечүмүн", — деди Дутерте.

Президент Филиппин Родриго Дутерте - Sputnik Кыргызстан
Филиппин президенти Дутерте Трамп экөө сөгүнчөөктүк жагынан окшош экенин айтты
Филиппин президенти баңгиге көз каранды адамдар менен күрөшүү үчүн баштаган ишти токтотпой турганын кошумчалады.

Дүйнө коомчулугу өлкөдөгү баңгизат сатуу аракеттерине каршы күрөшүүнүн Дутертенин аракеттерин бир нече жолу талкуулаган. Ал эми БУУнун адам укуктары боюнча эксперттери Филиппин бийлигинин мындай ыкмасын айыптап чыгышты. Алар өлтүрүүлөргө жол бербөөгө, толук кандуу соттук териштирүүлөр болмоюнча шектелген адамдарды өлүм жазасына тартуудан баш тартууга чакырышты.

Жаңылыктар түрмөгү
0