БИШКЕК, 12-ноя. — Sputnik. Филиппиндин президенти Родриго Дутерте өзүн АКШнын президенти менен салыштырып жатып Трамптын жанында ал болгону "кыпын" экенин айтканын РИА Новости ABS-CBN теленкаланы шилтеме берүү менен билдирди.
"Мен болгону бул планетадагы молекуламын. Ал дүйнөдөгү эң күчтүү мамлекеттин президенти", — деген пикирин Дутерте Давао шаарында болгон конференцияда айткан.
"Салыштыруу… Бизди салыштырууга болот деп ойлобойм. Бизди бириктирген бир нерсе — бул элге берилип кызмат кылуу", — деди президент.
Буга чейин маалымдалгандай, Дутерте республикачыл Трампты шайлоодогу жеңиши менен куттуктап, АКШнын жаңы администрациясы менен иштешүүгө ынтызарлыгын билдирген. Бейшемби күнү Трамп экөөнү сөгүнүүгө болгон сүйүү бириктирип турарын айткан болчу.
Белгилей кетсек, 8-ноябрда болгон президенттик шайлоодо республикачыл Дональд Трамп атаандашы демоктрат Хиллари Клинтонду жеңип алган.
