БИШКЕК, 12-дек — Sputnik. Кыргызстандык Эламан Догдурбек уулу Венгрияда өтүп жаткан олимпиадалык эмес категориядагы күрөш боюнча дүйнөлүк чемпионатта коло медаль жеңди. Бул тууралуу Бириккен күрөш дүйнөсүнүн расмий сайты маалымдайт.
Спорттук күрөш боюнча дүйнө биринчилиги 8-декабрда Будапешт шаарында башталган. Анда эркин, грек-рим жана аялдар арасында күрөш боюнча медалдын алты комплектиси ойнотулуп, 12-декабрда жыйынтыктоочу беттештер менен аяктайт.
Эркин күрөш боюнча 70 килограммга чейинки салмак арасында күрөшкөн мекендешибиз казакстандык Нурлан Бекжановдон жеңилип коло үчүн беттешүүгө мүмкүнчүлүк алган.
61 kg FS Bronze – Elaman Dogdurbek Uulu (Kyrgyzstan) tech. fall Nobuyoshi Takojima (Japan), 11-0 #Budapest2016
— USA Wrestling (@USAWrestling) December 11, 2016
Эламан Догдурбек уулунан башка Адилет Маматаев эркин күрөш боюнча, Кайрат Туголбаев менен Атабек Азизбеков греко-рим күрөшү боюнча өлкө намысын коргошкон. Бирок алар медаль ала алышкан эмес.
