БИШКЕК, 12-дек. — Sputnik. Кыргыз спортчулары Москва шаарында өткөн "Спартак-2016" эл аралык турниринде жеңишке жетишти. Бул тууралуу КРдин Бий спорту федерациясынан билдиришти.
Маалыматта айтылгандай 10-11-декабрь күндөрү Москвада спорттук бий боюнча XXI International Spartak Cup Dancesport Championship- 2016 турнири өттү. Ага Франция, Испания, Белоруссия жана Россия сыяктуу өлкөлөр катышып, 98 жуп күч сынашты.
Турнирге кыргызстандык спортчулар дагы катышып, жакшы көрсөткүчтөргө жетишти.
Чоңдор арасында латина категориясында бийлеген Артем Семеренко менен Валерия Качалко финалда биринчи орунду ээледи.
