БИШКЕК, 10-дек. — Sputnik. Германиянын аймагындагы түрмөлөрдө радикал исламчылардын саны 155ке өсүп, көрсөткүч 30 пайызга жеткенин РИА Новости Rheinische Post гезитине шилтеме кылып жазды.
Аталган басылма өлкөнүн 16 федералдык аймагынан алынган маалыматтарды жарыялаган. Өткөн жылы радикал исламчы делген 116 адам камалган.
Алардын көбү Бавария, Берлин жана Түндүк Рейн-Вестфалия аймагынан кармалып, басымдуу бөлүгү тергөө жайларында отурат. Маалыматтарда беш гана федералдык аймактардын түмөлөрүндө исламдын радикалдашып кеткен өкүлдөрү жок экендигин айтышты.
